കിടപ്പറയില്‍ സെക്സ് കഴിഞ്ഞാല്‍ നിങ്ങള്‍ എന്ത് ചെയ്യുന്നു

രാത്രിയില്‍ ആവേശകരമായ ലൈംഗികബന്ധത്തിലേര്‍പ്പെടുകയും അത് കഴിഞ്ഞ ഉടന്‍ തന്നെ നിങ്ങളുടെ പങ്കാളി വായനക്കോ പഠനത്തിനോ പോകുകയോ അല്ലെങ്കില്‍ തിരിഞ്ഞുകിടന്ന് ഉറങ്ങുകയോ ചെയ്യാറുണ്ടോ? എങ്കില്‍ സെക്സ് തീര്‍ന്നയുടന്‍ മറ്റ് ചില ജോലികള്‍ ചെയ്യാനായി പങ്കാളി കാത്തിരിക്കുകയാണെന്നും അല്ലെങ്കില്‍ സെക്സിനിടയിലും പങ്കാളിയുടെ മനസില്‍ മറ്റ് ചില കാര്യങ്ങളാണുള്ളതെന്നുമാണ് സൂചിപ്പിക്കുന്നത്. ഇത്തരത്തില്‍ നിങ്ങള്‍ ചെയ്യുന്നുണ്ടെങ്കില്‍ അത് സെക്സിന്‍റെ ആഹ്ലാദം നീണ്ടുനില്‍ക്കാന്‍ സഹായിക്കില്ല. എന്തെല്ലാം കാര്യങ്ങളാണ് സെക്സിലേര്‍പ്പെട്ട് കഴിഞ്ഞയുടന്‍ ചെയ്യാന്‍ പാടില്ലാത്തതെന്ന് നോക്കാം

പങ്കാളികളിലൊരാളോ അല്ലെങ്കില്‍ രണ്ടു പേരുമോ സെക്സ് കഴിഞ്ഞയുടനേ ഉറക്കത്തിലേക്ക് വീണുപോകാറുണ്ട്. സെക്സിന്‍റെ ഭംഗി തന്നെ കെടുത്തിക്കളയുന്ന ഒരു കാര്യമാണിത്. ഒരുമിച്ച് ഷവറില്‍ കുളിക്കുകയെന്നത് ഒരു നല്ല രതിപൂര്‍വ്വ കേളിയാണ്. സെക്സിനിടയില്‍ പങ്കാളികളുടെ മേല്‍ അഴുക്ക് പുരളുന്നത് സാധാരണമാണ്. അത് വൃത്തിയാക്കുന്നതിനും പ്രശ്നമില്ല. എന്നാല്‍ സെക്സ് കഴിഞ്ഞയുടന്‍ തന്നെ ബാത്ത്‍റൂമിലേക്ക് ഓടുന്നത് ഒരു ശരിയായ കാര്യമല്ല. നിങ്ങളുടെ പങ്കാളി സെക്സിന്‍റെ മൂഡിലായിരിക്കുമ്പോള്‍ ഇത്തരത്തില്‍ കഴുകാനായി പോകുന്നത് ഒഴിവാക്കേണ്ട ഒരു കാര്യമാണ്.

കാമാസക്തിയുണ്ടാക്കുന്ന തരത്തിലുള്ള ഭക്ഷണം സെക്സിന് മുമ്പായി പങ്കാളിക്കൊപ്പം കഴിക്കുന്നത് നല്ല കാര്യമാണ്. എന്നാല്‍ സെക്സിന് ശേഷം കഴിക്കാനായി അടുക്കളയിലേക്ക് പോകുന്നത് ഒഴിവാക്കേണ്ടതാണ്. കൂടാതെ സെക്സ് ആസ്വദിക്കേണ്ട സയത്ത് മൊബൈല്‍ ഫോണില്‍ മെസ്സേജോ മിസ്സ്ഡ് കോളോ കാത്തിരിക്കുന്നത് ശരിയായ കാര്യമല്ല. ചില പങ്കാളികള്‍ക്ക് മാറിക്കിടന്ന് ഉറങ്ങുന്ന ശീലമുണ്ടാകാറുണ്ട്. എന്നാല്‍ സെക്സിന് ശേഷം പതിവായി തലയിണയും വിരിപ്പുമെടുത്ത് മറ്റൊരു മുറിയിലേക്ക് ഉറങ്ങാന്‍ പോകുന്നത് ഒഴിവാക്കേണ്ട കാര്യമാണ്. സെക്സിന്‍റെ നിമിഷങ്ങള്‍ ആസ്വദിക്കുക. ഇത് സെക്സിന് ശേഷമുള്ള നിമിഷങ്ങളും ആസ്വാദ്യകരമാക്കുന്നതിന് ഉപകരിക്കും.

സ്ത്രീകളുടെ ലൈംഗിക സംതൃപ്തി.

? എനിക്ക് 27 വയസ്. അടുത്ത മൂന്നുമാസത്തിനുള്ളില്‍ എന്റെ വിവാഹം നടക്കും. ആലോചിച്ച് ഉറപ്പിച്ച വിവാഹമാണ്. പെണ്‍കുട്ടിയുമായി പരിചയപ്പെട്ട് വരുന്നതേയുള്ളൂ. സെക്‌സില്‍ എനിക്ക് എന്റേതായ കാഴ്ചപ്പാടുണ്ട്. എന്നാല്‍ ഞാനിതുവരെ സ്വയംഭോഗം പോലുള്ള കാര്യങ്ങള്‍ പരീക്ഷിച്ചു നോക്കിയിട്ടില്ല. അത് തെറ്റാണെന്നു തന്നെയാണ് എന്റെ വിശ്വാസം. പക്ഷേ, ലൈംഗിക താല്‍പര്യമുണ്ട്. വിവാഹം കഴിക്കുന്ന പെണ്‍കുട്ടിയുമായി മാത്രമേ ലൈംഗിക ബന്ധം പാടുള്ളൂ എന്ന നിര്‍ബന്ധം എനിക്കുണ്ട്. അതുകൊണ്ട് മറ്റൊരു സ്ത്രീയെ മോശമായ മനസോടെ നോക്കിയിട്ടില്ല. എന്നാല്‍ ലൈംഗിക സംതൃപ്തിയെക്കുറിച്ച് ധാരാളം കേട്ടിട്ടുണ്ട്. ലൈംഗിക സംതൃപ്തി എന്നാല്‍ എന്താണ്? സ്ത്രീയെ ലൈംഗികമായി തൃപ്തിപ്പെടുത്തുന്നത് എങ്ങനെയാണ്? ഞാന്‍ വിവാഹം കഴിക്കുന്ന പെണ്‍കുട്ടിയെ എനിക്ക് തൃപ്തിപ്പെടുത്താനാവുമോ?
മി. ജി.കെ, കൊച്ചി

ആദ്യമായി താങ്കളുടെ വിവാഹത്തിന് എല്ലാവിധ ആശംസകളും നേരുന്നു. താങ്കളുടെ കത്തില്‍ നിന്ന് സ്ത്രീയെ തൃപ്തിപ്പെടുത്തുവാന്‍ പറ്റുമോ എന്നുള്ള ഉത്കണ്ഠ വളരെ വ്യക്തമാണ്. 'സ്ത്രീയെ തൃപ്തിപ്പെടുത്തണം, അതിനുവേണ്ടി ഞാന്‍ ഇങ്ങനെയൊക്കെ പെരുമാറണം' എന്നൊക്കെയുള്ള ചിന്തകള്‍ മനസില്‍ വച്ച് ഭാര്യയെ സമീപിക്കാതിരിക്കുകയാണ് വേണ്ടത്. ഇത്തരം ചിന്തകള്‍ മനസില്‍ ഉത്കണ്ഠ ഉളവാക്കുകയും വിപരീത ഫലം നല്‍കുകയുമാണ് ചെയ്യുന്നത്.
രതി, പരസ്പരം സ്ത്രീയ്ക്കും പുരുഷനും സ്വാഭാവികമായി ഉണ്ടാകുന്ന ഒരനുഭൂതിയാണ്. സംഭോഗം എന്നാല്‍ ഇരുപങ്കാളികള്‍ക്കും തുല്യ പങ്കാളിത്തവും തുല്യമായി സംതൃപ്തിക്ക് അവകാശവുമുള്ള ലൈംഗിക ബന്ധമാണ്. ഇണകളുടെ പരസ്പര ധാരണയും വിശ്വാസവുമാണ് ലൈംഗിക ജീവിതത്തിന് അന്ത്യന്താപേക്ഷിതം. രതി എന്നത് തീരാത്ത സ്‌നേഹത്തിന്റെ മനോഹരമായ ചിത്രമാണ്.
ലൈംഗികത ഇരു പങ്കാളികള്‍ക്കും ശരിയായ ആനന്ദാനുഭവമേകുന്ന ഒന്നാവണം. ശാരീരികവും മാനസികവും വൈകാരികമായുമുള്ള കൂടിച്ചേരലാണത്. അതിന് ആദ്യം വേണ്ടത് പങ്കാളിയുടെ ഇഷ്ടാനിഷ്ടങ്ങള്‍ മനസിലാക്കിയെടുക്കുകയും അവനവന്റെ ഇഷ്ടാനിഷ്ടങ്ങള്‍ തുറന്ന് പറയുകയുമാണ്.
കിടപ്പറയില്‍ ഇണകള്‍ പരസ്പരം എങ്ങനെ പ്രതികരിക്കുന്നു, എത്രത്തോളം പരസ്പരം ഉത്തേജിപ്പിക്കപ്പെടുന്നു എന്നതാണ് പ്രധാനം. എല്ലാ വിലക്കുകളും അഴിച്ചെറിഞ്ഞ്, എല്ലാ സങ്കോചങ്ങളും ഒഴിവാക്കി തികച്ചും ശാന്തമായ മനസോടെ വേണം സെക്‌സിലേര്‍പ്പെടാന്‍. രതിപൂര്‍വലീലകള്‍ വളരെ പ്രധാനമാണ്. പുരുഷനുമായി സ്ത്രീ ബന്ധപ്പെടുമ്പോള്‍ സ്ത്രീ കൈവരിക്കുന്ന രതിമൂര്‍ച്ഛയെയാണ് 'സ്ത്രീയുടെ ലൈംഗിക സംതൃപ്തി' എന്നതുകൊണ്ട് അര്‍ഥമാക്കുന്നത്.

സ്‌നിഗ്ധമായ ഉത്തേജനങ്ങളേകി, സ്‌നേഹപൂര്‍ണമായി മുന്നേറുകയാണ് രതിമൂര്‍ച്ഛയിലേക്കുള്ള സുഗമമായ വഴി. ലൈംഗിക ബന്ധത്തിലെ തൃപ്തി അളവുകോല്‍കൊണ്ട് അളന്നെടുക്കാനാവില്ല. രണ്ട് വ്യക്തികള്‍ തമ്മിലുള്ളള സന്തോഷവും സംതൃപ്തിയുമാണത്.